Услови за користење

1. За сервисот

Станче е бесплатна Telegram бот и веб-платформа за пронаоѓање и објавување станови во Македонија. Сервисот собира јавно достапни огласи за недвижности и им овозможува на регистрираните корисници да објавуваат сопствени огласи (како сопственици или инвеститори/градежни фирми). Корисниците можат да поставуваат филтри и да добиваат известувања за нови огласи преку Telegram.

2. Прифаќање на условите

Со користење на Станче (ботот или веб-страницата), се согласувате со овие услови за користење. Доколку не се согласувате, ве молиме да не го користите сервисот.

3. Користење на сервисот

Со користење на Станче, се обврзувате:

• Да не се обидувате да го оптоварите или нарушите работењето на сервисот
• Да не користите автоматизирани алатки за масовно пристапување до сервисот
• Да не го злоупотребувате сервисот за спам или незаконски активности
• Доколку објавувате огласи, тие да се точни, актуелни и да се однесуваат на реален стан што го продавате или давате под кирија

Сервисот е наменет за купувачи, изнајмувачи, сопственици и инвеститори. Агенциско препродавање на туѓи огласи или објавување без согласност на сопственикот не е дозволено.

4. Содржина и огласи

На Станче постојат два вида огласи:

• Собрани огласи — преземени од јавно достапни извори. Ние не сме автори на овие огласи и не гарантираме за нивната точност, актуелност или веродостојност.
• Кориснички огласи — објавени директно од регистрирани корисници (сопственици или инвеститори). За точноста на овие огласи одговара корисникот кој ги објавил. Пред објавување, секој оглас минува низ внатрешна проверка од нашиот тим, но проверката е основна и не претставува гаранција за точноста на наведените информации, легалноста на сопственоста или достапноста на станот.

Без оглед на изворот, препорачуваме за секој оглас купувачот односно изнајмувачот самостојно да ги провери информациите кај огласувачот пред да преземе какви било обврски. Станче не е страна во трансакцијата помеѓу купувачот/изнајмувачот и сопственикот.

5. Кориснички сметки

Доколку креирате сметка на веб-страницата (преку Google или e-mail OTP), вие сте одговорни за безбедноста на вашата сметка. Станче го задржува правото да суспендира или избрише сметки кои ги прекршуваат овие услови.

6. Достапност на сервисот

Станче се обидува да обезбеди непрекинато работење, но не гарантира 100% достапност. Сервисот може да биде привремено недостапен поради одржување, ажурирања или технички проблеми.

7. Ограничување на одговорност

Станче се нуди „како што е" (as-is), без какви било гаранции. Не сме одговорни за штети, загуби или пропуштени можности настанати од користењето на сервисот, вклучувајќи неточни информации во огласите или прекини во работењето.

8. Приватност

Собирањето и обработката на лични податоци е опишано во нашата Политика за приватност.

9. Промени на условите

Овие услови може да бидат ажурирани повремено. Секоја промена ќе биде објавена на оваа страница со нов датум на ажурирање. Продолженото користење на сервисот по промената претставува прифаќање на новите услови.

10. Контакт

За прашања поврзани со условите за користење, контактирајте нè на: contact@stanchebot.mk